Një vajzë 12-vjeçare është pranuar në Mensa, një shoqatë ndërkombëtare për të talentuarit, e themeluar në Angli më 1 tetor 1946 nga Roland Berrill dhe Lancelot Ware. E gjitha kjo falë një testi inteligjence, i cili zbuloi se ajo ka një IQ më të lartë se Stephen Hawking dhe Albert Einstein (Ajnshtajni).
Kjo është Anwita Patil nga Sale, afër Manchesterit (Mbretëria e Bashkuar). IQ e saj rezultoi 162, më e larta e mundshme në kategorinë e saj të moshës, duke e vënë përpara shkencëtarëve që konsiderohen të kenë një IQ rreth 160.
Prindërit e Patil, duke folur për “Manchester Evening News”, thanë se ishin të mahnitur nga inteligjenca natyrore e vajzës së tyre duke u rritur. Duhet të theksohet se kjo ka dy referenca të shkëlqyera: babai i saj, i cili është konsulent për NHS në Manchester, dhe nëna e saj, e cila ka një doktoraturë në matematikë.
Pikërisht, nëna e saj Anu siguroi se ajo kalonte kohë me të bijën duke bërë detyra matematike. “Ajo mendon krejtësisht ndryshe dhe kjo për shkak të gjërave që nuk mësohen në shkollë”, – ka ekspozuar nëna e saj.
Të impresionuar nga aftësitë e vajzës, prindërit e saj vendosën ta dërgojnë Patil për të bërë testin e inteligjencës, i cili përbëhet nga dy pjesë: e para vlerëson aftësinë gjuhësore dhe të menduarit anësor, ku ajo mori 162 pikë, dhe e dyta, që vlerëson vetëdijen vizuale dhe hapësirën, ku mori 140 pikë.
Pasi mori vlerësimet më të larta në njërin nga testet, ajo ishte në gjendje t’i bashkohej Mensa-s, shoqërisë më të vjetër dhe më të madhe të inteligjencës në botë, e cila pranon vetëm njerëz që mund të dëshmojnë se kanë një IQ 2% më të lartë të popullsisë.
Kështu, ajo tani do t’iu bashkohet 18.000 anëtarëve të tjerë të Mensa-s në Mbretërinë e Bashkuar dhe Irlandë, qëllimi i të cilëve është të sigurojë një mjedis intelektual dhe social stimulues për anëtarët e saj.
Më konkretisht, objektivat kryesore të këtij entiteti janë: të identifikojë dhe promovojë inteligjencën në dobi të njerëzimit, të promovojë kërkime mbi natyrën, karakteristikat dhe aplikimet e inteligjencës dhe të krijojë një mjedis social që nxit aktivitetin intelektual të anëtarëve të tij.
