Një mesazh i gjetur në një shishe në një plazh të Floridës është “ribashkuar” me njeriun që e hodhi atë në oqean 37 vjet më parë.
Troy Heller, atëherë vetëm 10-vjeçar e shkroi mesazhin, e vendosi brenda një shishe qelqi Pepsi dhe e hodhi në Atlantik ndërsa ishte në plazhin Vero të Floridës në vitin 1985.
Më 13 nëntor, pasi Uragani Nicole pushtoi zonën,shishja doli në bregun në Sebastian, Florida, afërsisht 13 milje nga skela ku Heller e hodhi atë.
Dy persona që po pastronin zonën pas stuhisë zbuluan shishe e afërt 40-vjeçare. Në letrën brenda shishes thuhej: “P.S. Kushdo që e gjen këtë, më telefononi ose më shkruani.”
Personat që gjetën letrën kërkuan kontaktet e Hellerit në internet dhe i dërguan një foto të letrës. Letra origjinale tani ka mbërritur në shtëpinë e tij.
