Teksa jemi në ditën e tetë të pushtimit rus në Ukrainë, presidenti Vladimir Putin vazhdon të kërcënojë botën me luftë bërthamore. Para disa vitesh, ai përmirësoi një nga armët bërthamore më të fuqishme në planet që quhet ‘Dora e Vdekjes’ dhe mendohet të jetë asi nën mëngë për Putin nëse shpërthen Lufta e Tretë Botërore.
I njohur gjithashtu si “Perimetri”, është një sistem kontrolli automatik i armëve bërthamore të Luftës së Ftohtë që përmban disa nga bërthamat më vdekjeprurëse të planetit. Ekziston vetëm një sistem “Dead Hand” në botë dhe mendohet se makineria është përmirësuar vetëm pak vite më parë.
Ekzistenca e këtij sistemi u konfirmua në vitin 2011 nga komandanti i atëhershëm rus Sergei Karakaev.
“Po, sistemi Perimetër ekziston edhe sot,” tha ai në atë kohë.
Vendndodhja e saktë besohet të jetë e vendosur në një bunker të thellë ushtarak diku në jug të Moskës, por kjo nuk është konfirmuar kurrë plotësisht.
