Gjithçka ndodhi në kuadër të shortit para Kupës së Botës 2018, i cili u mbajt në Moskë. Me atë rast ishte planifikuar edhe një pritje nga presidenti rus, Vladimir Putin, për disa personalitete të botës së futbollit, përfshirë Diego Armando Maradona.
Me rastin e trendit mediatik që u ngrit si pasojë e luftës në rritje mes Rusisë dhe Ukrainës, është publikuar një audio e Maradonës, në të cilën protagonist është edhe Putin. Diego flet me një person tjetër, duke refuzuar një ftesë për një event ku Putin do të ishte mikpritës.
Në të njëjtën kohë bën shaka me emrin e ish-agjentit rus të KGB-së. Fjalët që tha janë regjistruar audio dhe “Infobae” i ka siguruar ekskluzivisht. “Jo, jo, jo. Gjithçka në lidhje me Putinin është shumë e mirë, gjithçka është shumë e bukur, dua ta takoj, dua të flas me të”, – thotë Maradona, i cili fillimisht është dakord me ftesën.
Pak çaste më vonë, Diego do të tregonte arsyen e mungesës së dëshirës për të marrë pjesë në takim, asgjë më shumë dhe asgjë më pak se ora e hershme në të cilën do të zhvillohej: “Unë kam bërë tashmë dy-tri prova përshëndetëse me… ‘përshëndetje Putin’, ‘çfarë po bën Putin?’, ‘sos re-putín’…, ‘reputín del ortho’, por duhet të ngrihem në 09:30. Ju e dini, nuk ngrihem dot nga gjumi në 09:30. Unë nuk ngrihem”.
Më në fund, ai takim mes Putinit dhe personazheve të famshëm të futbollit u zhvillua, por sipas kërkesave të orarit të Maradonës, i cili mori pjesë kur orari u shty. Maradona ishte një person shumë i vetëdijshëm për peshën mediatike që kishte në skenën e futbollit në mbarë botën dhe shumë herë e ka shfaqur atë. Në fakt, ndryshimi i një pritjeje me presidentin e një prej fuqive më të mëdha në botë është fakt i qartë për këtë.
