Që prej mëngjesit ka nisur seanca gjyqësore e të arrestuarve për sulmin në selinë e PD, gjatë protestës së 8 janarit.
Një nga të arrestuarit është edhe reperi Stresi, apo Arkimed Lushaj, i cili para gjykatësit tha se është hera e parë për të që arrestohet pa bërë gjë, raporton gazetarja Anila Hoxha e cila po ndjek seancën.
Stresi: Është hera e parë që arrestohem pa bërë asgjë.
Gjyqtari: Kështu me ke thënë dhe radhën e parë.
Stresi: Atëherë foli avokati, jo unë.
Nga 34 të arrestuar, prokuroria kërkon për 29 persona masën “Detyrim paraqitje”.
Ndërsa për 5 persona “Arrest shtëpie”. Mes personave të arrestuar ka edhe qytetarë nga Kosova.
Sipas akuzave që janë ngritur, rezulton se 11 nga të arrestuarit janë mbështetës të Bashës dhe 23 të tjerë të Berishës.
