“La Casa de Quiz” mbërrin në shtëpinë më të famshme të mbarë Shqiptarisë, “Big Brother VIP2 Albania”.
Gazetari i SuprSportit, Gjergji Stefa, kishte përgatitur një “quiz” për dy skuadrat e formuara nga banorët e Big Brother VIP2, të ndarë si më poshtë:
Skuadra e kuqe: Luizi, Kejsi, Gerti, Antoneta, Jori, Visi, Deamishel (Luizi kapiten).
Skudra e zezë: Kiara, Kristi, Fotini, Olta, Qetësori, Lorenci, Nita (Qetësori kapiten).
Skuadra fituese e “quiz”-it do të kishte mundësinë për të ndjekur “live” ndeshjen e parë kualifikuese të Shqipërisë për Euro 2024 me Poloninë në Varshavë.
Gara mes skuadrave ishte e fortë, por në fund triumfoi skuadra e kuqe, me kapiten Luizin, që, edhe pse gaboi e para, diti të rikuperonte pikë të rëndësishme të serinë e katërt dhe të pestë të pyetjeve, duke fituar në fund me rezultatin 25 me 20.
Pyetjet ishin relativisht të thjeshta dhe lidheshin me momente pikante të përfaqësueses kuqezi.
“Gafa” e Qetësorit, që, edhe pse është vlonjat, nuk ia mbajti mend emrin ish-kapitenit Skela (Ervin), ishte ndoshta momenti që përcaktoi fituesin.
