Një dënim shembullor për Manuel Neuer. Në fakt, Bayern Munich nuk e kapërdiu dot shpërthimin publik të portierit gjerman, i cili në një intervistë për “The Athletic”, kishte kritikuar hapur drejtuesit e klubit bavarez për përjashtimin e mikut të tij dhe trajnerit të portierëve Toni Tapalovic.
Takimi paqësor me trajnerin Julian Nagelsmann që u zhvillua ditët e fundit duket se ka qetësuar shpirtrat, të paktën brenda dhomës së zhveshjes së skuadrës që ndodhet në krye të Bundesligës, edhe pse me një diferencë minimale në krahasim me ndjekësit e Union Berlin, Borussia Dortmund, Leipzig dhe Eintracht Frankfurt.
Por kjo nuk shërbeu për të qetësuar zemërimin e drejtuesve, të cilët tashmë në orët pas publikimit të intervistës i ishin përgjigjur me pikëllim kapitenit të skuadrës së tyre, aktualisht jashtë fushave për shkak të një dëmtimi të pësuar gjatë skive, menjëherë pas Kupës së Botës.
Ndër më të pakënaqurit janë ish-portieri dhe tani kryetari i bordit drejtues të klubit Oliver Kahn dhe ish-futbollisti me të shkuar edhe te Juventusi, tani drejtori sportiv i kampionëve në fuqi të Gjermanisë, Hasan Salihamidžić, të cilët ende nuk e kanë tretur shpërthimin publik të atij që konsiderohet flamuri i Bayern Munich.
Drejtuesit bavarezë nuk duan në asnjë mënyrë ta fshehin këtë çështje dhe duket se synojnë të ndëshkojnë portierin 36-vjeçar në mënyrë shembullore.
Sipas raportimeve të gazetës “Bild”, në fakt, një gjobë rekord prej 1.6 milionë eurosh pritet të akordohet për Manuel Neuer. Prandaj, Bayerni duket i gatshëm të bëjë që sulmin publik, kapiteni bavarez ta paguajë shtrenjtë.
