Një grup djemsh në Angli, të cilëve u ishte ndaluar të mbanin pantallona të shkurtra në shkollë gjatë valës së nxehtësisë, protestuan duke veshur funde.
Nxënësi Adrian Copp, 15 vjeç, dhe miqtë e tij, kanë veshur funde për të kundërshtuar “politikën e vjetruar uniforme”, shkruan The Sun.
Rregullat e shkollës së tyre të mesme nuk lejojnë që nxënësit të mbajnë pantallona të shkurtra, madje edhe gjatë temperaturave që aktualisht janë shumë të larta në Britani.
Por Adriani dhe disa nxënës të vitit 10-të, vendosën që të vishnin funde. Adriani, nga St. Austell Cornwall, e pyeti mamanë Donna, 33 vjeç, nëse mund t’i blinte një fund për t’i sfiduar rregullat.
Adriani dhe dy miqtë e tij planifikojnë të vazhdojnë të veshin fundet me palosje për pjesën tjetër të javës.
I pyetur se çfarë mendonin mësuesit e tij për uniformat e tyre të reja shkollore, ai tha: “Disa mësues menduan se po ngatërroheshim. Por kishte edhe të tjerë që na brohoritën.
