Që prej momentit të parë që Lorenc Hasrama u bë pjesë e shtëpisë së “Big Brother Vip Albania”, në rrjet shpërthyen aludimet se ai dhe Keisi kanë pasur një histori dashurie. Gjë e cila më pas u mohua kategorikisht nga Sabiani.
Sido që të jetë e vërteta, ajo që dime është fakti që pas hyrjes së tij në shtëpi, Keisi mbylli cdo gjë me Kristin dhe ka filluar të ketë afrimitet me Lorencin. Së fundmi ka bërë xhiromn e rrjetit edhe një moment ku Keisi përkëdhel në koka Lorencin i cili qëndron i shtrirë në divan.
Në lidhje me gjithë këtë situatë ka reaguar edhe llogaria zyrtare e Kristit në Instagram, e cila menaxhohet nga familjarët e tij. Ata kanë postuar një video të edituar nga fansat pikërisht të momentit që përmendëm. Mbi video shkruhet:
“Mirë që asaj i doli boja, po ky çfarë burri është që nuk i thotë Kristit të vërtetën?”
Më tej në videon e edituar, janë përmendur edhe vlerat që Kristi ka treguar deri tani ne “BBV”, ndër to edhe respektin ndaj një vajze, parë nga syri i atij që ka edituar videon.
Këtë postim, familjari i Kristit e ka shoqëruar me një shkrim fare të shkurtër, por shumë domethënës.
“Unë ju falënderoj për komentin e sinqertë”, duke nënkuptuar kështu se janë dakord me cdo fjalë të shkruar në atë video.
