Ish-banorja e “Big Brother VIP2”, Efi Dedhes ishte mbrëmjen e djeshme ftuar në emisionin “Më Lër Të Flas”, ku foli pak edhe për jetën e saj personale.
Efi ka përmendur shpesh në shtëpinë e “Big Brother” se është në një lidhje, por nuk e ka zbuluar identitetin e tij. Pas vëmendjes së madhe që ka marrë, shpesh është aluduar se kush mund të jetë i dashuri i saj.
Në festën e ditëlindjes së saj, ish-banorja u pa e afërt me një nga të ftuarit, ku u aludua se mund të jetë i dashuri i saj.
Por ajo i mohoi këto pretendime duke thënë se është një mik shumë i afërt i saj.
Edhe në pushimet në Tailandë, Efi ishte nën shoqërinë e mikeshës së saj Mikelën, dhe një tjetër person, ku sërish u pretendua se mund të ishte i dashuri i saj. Sërish ylli i mohoi këto fjalë dhe tha se ishte menaxheri i saj.
Ish-banorja nuk zgjodhi që ta ndajë identitetin e tij duke thënë: “Unë kam folur aq sa doja unë të flisja, po të doja e kisha nxjerrë vetë.”
Efi gjithashtu ka qenë edhe pjesë e emisionit “Përputhen”, një emision dashurie ku nuk krijoi lidhje me asnjë nga djemtë.
