Fifi ishte një nga banorët më të pëlqyer të publikut brenda shtëpisë më të famshme në Shqipëri. Gjatë rrugëtimit të saj, këngëtarja e njohur e tregoi veten në të gjitha dimensionet e saj, kur ishte mirë dhe kur ishte keq. E ishte pikërisht kjo pse fansat shpreheshin se duhej të ishte ajo fituesja, pasi po e zbulonte veten ashtu siç është.
Por pas disa incidenteve të pakëndshme të ndodhura brenda BB VIP, Fifi mori vendimin që të largohej përfundimisht nga shtëpia, duke hequr dorë përfundimisht nga çmimi i madh prej 100 mijë euro.
Tani që ka nisur jetën normale, Fifi po shijon gjithë mbështetjen dhe dashurinë e fansave të saj. Sigurisht që kur ka lexuar komentet negative që janë bërë rreth saj teksa ishte brenda shtëpisë së “Big Brother VIP” nuk i kanë pëlqyer dhe e kanë lënduar, por dashuria e fansave është më e madhe.
Së fundmi, këngëtarja e njohur ka bërë një bashkëbisedim virtual me ndjekësit në “Instagram”, ku ka vendosur që t’u kthejë përgjigje disa prej pyetjeve të tyre. Madje dikush nuk ka lënë pa e ngacmuar në lidhje me marrëdhënien e Donaldit me Beatrix.
“Çfarë mendon për lidhjen Donald-Beatrix?”, e ka pyetur një fans, të cilit Fifi i është përgjigjur: “Nuk mendoj gjë… Ma mirë ish mos me menu… Se masnej kryqëzohem dhe akuzohem që kam nevojë për vëmendje. Përveç kësaj tashmë jam jashtë… te jeta ime normale. Tani zgjedh mendimin tim ta mbajë për vete…”.
Së fundmi, këngëtarja e njohur ka realizuar një intervistë virtuale me fansat e saj të Instagramit ku padyshim nuk mund të mungonin pyetjet lidhur me eksperiencën e saj në shtëpinë më të famshme në Shqipëri, e të cilave Fifi nuk ka hezituar t’iu përgjigjet. Kështu, dikush i shkruan artistes: “Pse bëje skena në “Big Brother”, qaje pa arsye, vrapoje e para për çdo gjë, nuk më ke pëlqyer.” Kësaj pyetjeje ajo i është përgjigjur me ironi duke shkruar: “Vetëm që të pyesje ti pse”.
