Kryetarja e LSI-së Monika Kryemadhi ka uruar shqiptarët për Vitin e Ri 2021, duke e quajtur 2020, një luftë për të gjithë.
Nëpërmejt një video në Facebook, Kryemadhi ka folur për pasojat e pandemisë Covid-19 në vendin tonë, duke theksuar se shumë shqiptarë po luftojnë për të mbijetuar.
‘Uroj me zemër të gjithë shqiptarët e mi që 2021-i të sjellë shpresë të re, energji të re dhe më shumë mundësi’, thotë Kryemadhi.
“Përshëndetje të gjithëve.
2020-a ka qenë një luftë për të gjithë ne. Ndikimi i COVID-19 tregoi dobësinë e shtetit tonë. Ne pamë rritje të papunësisë, çmime të larta, më pak mundësi dhe më shumë shqiptarë që largohen nga vendi ynë.
Shumë shqiptarë po luftojnë për të mbijetuar.
Uroj me zemër të gjithë shqiptarët e mi që 2021-i të sjellë shpresë të re, energji të re dhe më shumë mundësi.
Kjo është arsyeja e angazhimit tonë, të rikthejmë shpresën në Shqipëri.
Një Shqipëri më e mirë po vjen. Së bashku ne mund ta kthejmë Shqipërinë të ndihet sërish si një shtëpi dhe të mbyllim këtë kapitull tranzicioni.
Gëzuar Vitin e Ri 2021. Zoti i bekoftë shqiptarët. Zoti e bekoftë Shqipërinë!”
