Një vajzë 6-vjeçare u shpëtua sot nga rrënojat në provincën Adiyaman të goditur nga tërmeti, 47 orë pasi dy lëkundjet e mëdha goditën pjesën jugore të Turqisë dhe veriun e Sirisë.
Hacer Kaçmaz u shpëtua në qarkun Besni nga një ekip prej katër anëtarësh i zjarrfikësve të dërguar nga provinca veriore Kastamonu.
Tre orë më parë, i njëjti ekip nxori nënën e vajzës, Rukiye Kaçmaz, nga rrënojat e një ndërtese të shembur.
Vajza 6-vjeçare, e cila iu dorëzua ekipeve mjekësore, është dërguar në spital për trajtim.
Të paktën 6.957 njerëz u vranë dhe mbi 38 224 të tjerë u plagosën pas tërmeteve me magnitudë 7.8 dhe 7.7 ballë që goditën pjesën jugore të Turqisë, të hënën.
Tërmetet u ndjenë edhe në disa vende fqinje të rajonit, duke përfshirë Libanin dhe Sirinë.
Si pasojë e tërmetit, të paktën 3 mijë persona kanë humbur jetën dhe mijëra të tjerë janë plagosur edhe në Siri.
Türkiye, një vajzë 6-vjeçare shpëtohet nga rrënojat 47 orë pas tërmeteve https://t.co/eHxfb3cTSB pic.twitter.com/l3IYBZZStI
— ANADOLU AGENCY (AL) (@aa_albanian) February 8, 2023
