Gashi ka uruar përvjetorin e pavarësisë përmes një videoje në Instagram. Reperi Gashi uroi Kosovën përmes një videoje, të shkëputur nga kënga e re e tenorit Ramë Lahaj. Ai ndau në InstaStory disa pjesë të këngës së Lahajt me titull “Rrjedh në këngë e ligjerime”, të cilën e publikoi sot, ku ndër të tjera përmbledh sukseset e disa prej emrave të njohur shqiptar brenda dhe jashtë vendit. Kujtojmë që reperi përmes rrjeteve sociale ka konfirmuar se do të mbajë koncert gjatë këtij viti në Kosovë.