Një grua që shkruante në numrin celular të babait të saj të ndjerë thuajse çdo ditë që nga vdekja e tij, mori një përgjigje emocionale pak para përvjetorit të tij të katërt.
Chastity Patterson, nga Arkansas, ndau foto nga shkëmbimi i mesazheve në mediat sociale pasi ajo do t’i shkruante babait të saj për përvjetorin e ‘vështirë’ të vdekjes së tij.
Në vend të heshtjes së zakonshme, këtë herë burri që kishte numrin e vjetër të babait të saj vendosi t’i përgjigjet – diçka që ajo e përshkroi si një shenjë se gjithçka është në rregull dhe duhet ta linte atë të pushojë.
Ajo i shkruajti të atit për ngjarjet e viteve të kaluara, duke përfshirë edhe diplomimin në kolegj, thyerjet e zemrës para se të gjente edhe një herë dashurinë dhe sëmundjet e ndryshme.
Chastity shkruante:
Kanë kaluar 4 vjet që të kam humbur dhe nuk kalon asnjë ditë që nuk më mungon. Shumë gjëra kanë ndodhur në atë kohë të vogël, por unë jam e sigurt që ti i di ngaqë unë të shkruaj gjatë gjithë kohës…
Më vjen keq që nuk isha atje kur të duhesha më shumë, por një ditë do të kemi [shansin] tonë ta shikojmë atë lojë! Kam frikë nga martesa sepse do të duhet të eci përgjatë altarit vetëm dhe ti nuk do të jesh aty për të më thënë se gjithçka do të jetë në rregull.
Unë jam duke bërë më të mirën, do të ishe aq krenar për gruan që jam bërë … Unë thjesht dua të të them se të dua dhe me të vërtetë më mungon!
Menjëherë vajza merr një përgjigje nga numri i babait të saj në përvjetorin e vdekjes së tij si përgjigje, nga një burrë i quajtur Brad – i cili i shkruante se mesazhet e përditshme të Chastity e kishin “mbajtur atë gjallë” pas vdekjes së papritur të vajzës së tij në një aksident automobilistik pesë vjet më parë.
Brad u prezantua menjëherë, duke shkruar: “Përshëndetje e dashur, unë nuk jam babai juaj, por i kam marrë të gjitha mesazhet tuaja për katër vitet e fundit”. Ai pastaj përmendi humbjen e vajzës së tij, duke përshkruar tekstet e saj si ‘një mesazh nga Zoti. Më vjen keq që keni humbur dikë kaq afër jush, por unë të kam lexuar ndër vite dhe kam shikuar teksa rritesh dhe t’ia dalësh më shumë se kushdo”.
Duke sqaruar se arsyeja e vetme që ai nuk ishte përgjigjur më parë ishte sepse ai ‘nuk donte të thyente zemrën e saj’, Brad përshkroi Chastity si një “grua të jashtëzakonshme” para se të thoshte se dëshironte që vajza e tij të kishte pasur shansin të bëhej ‘gruaja që ti je’.
Që nga postimi i pamjeve të fotografive, postimi i Chastity ka shkuar viral, me më shumë se 99k reagime dhe 214k aksione brenda ditës. Shumë prej tyre që e komentuan postimin e përshkruan shkëmbimin e mesazheve si “të bukur”, duke shtuar se ata shpresojnë që të dy të qëndrojnë në kontakt.