Gjykata e Krimeve të Rënda ka dhënë masën për ish-gjyqtarin Roland Hysi, i cili akuzohet për korrupsion së bashku me psikologen Elona Meçani, pas skandalit të publikuar në media.
Mësohet se Hysi është dënuar me 4 vite e 6 muaj burg, por për shkak të gjykimit të shkurtuar ish-gjyqtari ka përfituar ulje dhe do të kryejë tre vite.
Ndërkohë i është hequr edhe e drejta e funksionimit të detyrës për pesë vite.
Hysi u filmua nga kamera e fshehtë e emisionit investigativ “Stop” duke i kërkuar para dhe favore seksuale një nëne që luftonte për kujdestarinë e fëmijës së saj.
Ndërsa psikologia Elona Meçani bënte edhe rolin e sekseres dhe që gjithashtu merr “pjesën e vet” prej 500 eurosh.
Ata akuzohen për “Korrupsion pasiv i gjyqtarëve dhe prokurorëve”, si dhe për “Ushtrim i ndikimit të paligjshëm të funksionarëve”.