Në 1987, një hotel i madh u ndërtua në kryeqytetin e Koresë së Veriut, Phenian.
Rrokaqielli në formë piramide, ka rreth 300 metra lartësi, ndërsa ishte krijuar për të strehuar njerëz në të paktën 3000 dhoma, si dhe pesë restorante rrotulluese me pamje panoramike.
Hotel Ryugyong, do të thotë “kryeqyteti i shelgjeve” – duhej të hapej vetëm dy vjet më vonë, por nuk ndodhi asnjëherë.
Ndërsa struktura arriti lartësinë e saj të planifikuar në 1992, ajo qëndroi pa dritare dhe e zbrazët për 16 vjet të tjera, ndërsa betoni i saj lakuriq i ekspozuar, qëndroi si një përbindësh i rrezikshëm me pamje nga qyteti. Gjatë asaj kohe, ndërtesa fitoi pseudonimin “Hoteli i Doom”.
Hoteli është veshur prej metali dhe qelqi, dhe më vonë është pajisur me drita LED për ta shndërruar atë në një spektakël shumëngjyrëshe gjatë natës. Puna ndërtimore ka filluar dhe ndalur shumë herë, duke nxitur spekulime të vazhdueshme nëse do të hapen ndonjëherë për vizitorët.
Ende e mbyllur edhe sot e kësaj dite, Hotel Ryugyong është ndërtesa më e lartë në botë e papërdorur.
Peng i Luftës së Ftohtë
Hotel Ryugyong ishte produkt i rivalitetit të Luftës së Ftohtë midis Koresë së Jugut të mbështetur nga SHBA dhe Veriut të mbështetur nga Sovjetikët. Një vit para fillimit të ndërtimit, një firmë Koreane e Jugut kishte ndërtuar atë që ishte atëherë hoteli më i lartë në botë, Westin Stamford në Singapor. Kryeqyteti i Jugut Seul ishte ndërkohë që po përgatitej për të pritur Olimpiadën Verore të vitit 1988, me kalimin e vendit në një demokraci kapitaliste.
Si pjesë e përgjigjes politike të Koresë së Veriut ndaj arritjeve të Jugut, Pheniani organizoi Festivalin Botëror të Rinisë dhe Studentëve të vitit 1989, një lloj versioni socialist i Olimpiadës. Vendi planifikoi të ndërtonte hotelin masiv pikërisht në kohë për ngjarjen.
