Kryeministri Edi Rama e ka nisur ditën e sotme me publikimin e një artikulli nga LonelyPlanet dedikuar agroturizmit në Shqipëri.
‘Nga data 8 deri më 10 maj, një koleksion prej gjashtë fermash të reja agroturizmi do t’u hapin dyert vizitorëve për një tërheqje turistike triditore në fshatrat e bukur dhe malorë të vendit.
Si pjesë e projektit “AgroTourism Albania”, kjo tërheqje turistike do të fokusojë fermat që kanë punuar shumë për të zhvendosur aftësitë e tyre nga bujqësia në turizëm duke ofruar eksperienca autentike, ushqime të shkëlqyera, kurse gatimi dhe akomodim në bujtina, të gjitha këto duke e parë Shqipërinë në shijen e saj natyrale’, thuhet mes të tjerash në artikullin e LonelyPlanet,
Bashkëngjitur artikullit Rama shkruan: Mirëmëngjes, dhe me këtë artikull të gjigandit botëror të udhëtimeve, LonelyPlanet, dedikuar agroturizmit në Shqipëri si tërheqja më e re turistike e vendit, ju uroj një ditë të mbarë
