Një sukses të ri po shijon këngëtarja Genta Ismajli pas bashkëpunimit me “Etno Engjujt” për klipin “Shake it”. Këngëtarja kosovare e rritur në Shtetet e Bashkuara të Amerikës ka marrë këtë verë gjithmonë e më shumë ftesa për të kënduar në club-et e natës në jug të vendit dhe në Tiranë.
Por gjatë performancave në mesnatë jo gjithçka shkon ashtu si duhet. Genta që ra në sy për stilin e flokëve gërshet ka pasur një incident me veshjen, pasi në një moment i ka dalë komplet gjoksi nga lëvizjet që bënte në skenë. 32 vjeçarja e rritur në Çikago, së fundi është komentuar nga ndjekësit në rrjetet sociale, të cilët e kanë kritikuar për ndërhyrjet e shumta estetike që ka bërë në fytyrë. Këngëtarja e ritmeve pop, r&b dhe dance, e cila është aktive në muzikë që nga viti 2003, është kritikuar kryesisht për fryrjen e ekzagjeruar të buzëve.