Virologu beson se ka arritur të gjejë një alternative të besueshme për testet serologjike ekzistuese bazuar në një teknikë të quajtur Elisa, dhe të jetë në gjendje të informojë më mirë për efektivitetin e antitrupave.
FRANCE- Drejtori i laboratorit Pasteur-TheraVectys, Pierre Charneau, pretendon se ka zhvilluar një test “serologjik” i cili zbulon antitrupat dhe mat aftësinë e tyre për të penguar hyrjen e virusit në tupin e njeriut. Ai beson se ka arritur të gjejë një alternative të besueshme për testet serologjike ekzistuese bazuar në një teknikë të quajtur Elisa, dhe të jetë në gjendje të informojë më mirë për efektivitetin e antitrupave.
“Kjo do të bëjë të mundur matjen e shkallës së vërtetë të imunitetit të popullsisë në zonat e prekura shumë nga pandemia. Prandaj është një mjet i çmuar për të mbështetur dekonfinimin. Dhe është i vetmi në llojin e tij!”, Thotë virologu , drejtor i laboratorit të përbashkët Pasteur-TheraVectys.
Ky test është pjesë e katër testeve serologjike për SARS-CoV-2 të zhvilluara nga Institut Pasteur, dhe u testua veçanërisht si pjesë e një studimi për shkollën e mesme Jean-Monnet në Crépy-en-Valois (Oise ).
Sa i përket besueshmërisë së tij, virologu thotë “ne kemi kryer mijëra prova dhe, për momentin, nuk kemi pasur kurrë një rezultat pozitiv që të jetë i rremë. Por me këtë që po ndodh është e vështirë të garantohet 100% besueshmëri. Por, sigurisht, shkalla e gabimit është shumë e ulët,” thotë virologu.
Qeveria franceze më herët kishte përjashtuar mundësinë e përdorimit të parakohshëm të testeve serologjike një javë më parë, duke përmendur jo besueshmërinë e disa testeve të kryera pa lejen e autoriteteve.
Burimi: Le Monde
