Një aksident i rëndë ka ndodhur mëngjesin e sotëm në aksin rrugor Gjirokastër-Kakavijë, në rrugën pranë fshatit Derviçan. Mësohet se një fouristradë dhe një Benz janë përplasur keq dhe fouristrada ka përfunduar jashtë rruge. Si pasojë raportohet se kanë mbetur të plagosur 5 persona, identitetet e të cilëve ende nuk bëhen me dije. Të plagosurit janë dërguar menjëherë drejt spitalit, ndërkohë mësohet se mes tyre ka qenë edhe një fëmijë 5 vjeç i cili është në gjendje të rëndë shëndetësore. Sakaq, policia ka arritur në vendngjarje dhe ka hapur hetimet për zbardhjen e plotë të saj.
