Ermira Dema: Vendosa ti hyj politikës për të bërë më të mirën...

Ermira Dema: Vendosa ti hyj politikës për të bërë më të mirën për vendin

310
0

Nga Era Çela 

 

Vjen  nga fusha e gazetarisë, për herë të parë vendos të kandidoj për deputete në qarkun e Tiranës  nga Partia Socialdemokrate.  Kjo është Ermira Dema, e cila në një intervistë për “Vizion.com.al”  thotë  se i është futur rrugës së politikës për  të bërë më të mirën e saj për  vendin, duke mos dhënë premtime boshe,  por për t’i realizuar ato. Për Ermirën, ky kandidim është një përgjegjësi e madhe morale dhe shpirtërore që të jetë zëri i qytetarëve të Tiranës, sidomos i femrave shqiptare në parlament.  Renditja për të, është thjesht një numër, por rëndësi ka qëllimi-për të sjellë në parlament zërin, shqetësimet dhe hallet e njerëzve.

   Kush është Ermira Dema për të gjithë ata që nuk e njohin?

 Vij nga qyteza e bukur e Ulzës te rrethit Mat. Nga një familje e thjeshte por me parime. Kam mbaruar ciklin fillor dhe ate te mesem po ne kete qyteze dhe me pas kam studiuar ne fakultetin e Histori –Filologjise ne degen Gazetari, Tirane. Kam punuar gati 7 vite si gazetare terreni ne profilin social dhe me pas ne disa emisione investiguese. Specializuar ne Menaxhim Turizmi , nderkohe qe prej 3 vitesh punoj ne Agjensine Turistike te bashkeshortit . Jam e martuar dhe kam nje vajze 5 vjeçe.  

Pse vendosët të përfaqësoni në zgjedhjet e 25 qershorit PSD-në?

 Ndoshta eshte rastesi por tashme i jam futur kesaj rruge dhe shpresoj te dal me sukses . Po mundohem te bej me te miren. Dua te ndalem pak tek Partia Socialdemokrate, e cila deri me tani nuk ka bere premtime boshe dhe as ne ajer siç bejne shumica e forcave politike. Ajo ka ne epiqender individin dhe mundesite qe duhet t’i krijohen atij per nje jete me te mire ne vendin e tij. PSD eshte e vetmja force politike qe i ka qendruar parimit te saj dhe nuk eshte lekundur nga premtimet e saja, kete gje une e vleresoj shume.

 Jeni e katërta në listën e PSD në qarkun e Tiranës , një vlerësim për ju, por dhe një përgjegjësi e madhe. Sa e shihni veten të mbështetur nga gjinia femërore?

 Nuk ka shume rendesi renditja ajo eshte thjesht nje numer , te gjithe se bashku ne jemi per nje qellim te bejme me te miren per te risjelle ne kuvendin e shqiperise zerin e vertete te qytetareve tane , hallet qe ata kane, problemet e shumta ekonomike, sociale, shendetesore dhe arsimore. Eshte nje pergjegjesi e madhe morale dhe shpirterore qe une te jem zeri i tyre sidomos i femrave shqiptare duke e ditur se ata vazhdojne te jene kategoria me pak e mbrojtur sidomos ne zonat rurale. Ato kane vertet nevoje per perkrahje ne te gjitha drejtimet.  

Fotografia e Ermira Dema - Faqja Zyrtare

Perse vendose ti hysh politikes?  

Te them te drejten nuk eshte se kam luftuar per te qene pjese e saj por eshte nje mundesi e mire pse jo per te bere me te miren per vendin tend. Je me afer njerezve ne nevoje , komunitetit dhe ke me shume mundesi t’i ndihmosh ata .  

Si te erdhi ftesa per te kandiduar?  

Deputetja aktuale e qarkut Shkoder Mirela Ferracaku, qe eshte edhe nje nder mikeshat e mia me te mira me beri ftesen qe t’i bashkohesha forces ku ajo do perfaqesohet ne keto zgjedhje .

 Cili është modeli juaj i gruas në politikë?  

Ndoshta nuk mund te them qe kam nje grua qe me pelqen modeli i saj i te berit politike por mund te them qe simpatizoj ish zonjen e pare te Amerikes Michelle Obama jo se kjo e fundit eshte politikane e mirfillte por me pelqen menyra se si ajo i trajtonte çeshtjet e shumta. Eshte humane e thjeshte dhe e zgjuar. Kot nuk thone pas nje burri te sukseshem fshihet nje grua e forte.       

loading...