Të shtëna me armë janë raportuar në Elbasan. Sipas burimeve të “Panoramës” një automjet ka qëlluar me armë zjarri në drejtim të efektivëve të policies. Mësohet se të shtënat kanë qenë në drejtim të FNSH dhe të makinës së forcave “Shqiponja” të cilat kanë qenë duke patrulluar në lagjen “5 maji”. Dëshmitarë në vendin e ngjarjes thonë se janë dëgjuar më shumë se dy të shtëna me pistoletë. Policia ka rrethuar zonën dhe është në kërkim të mjetit, i cili pasi ka qëlluar është larguar nga rruga e spitalit të qytetit të Elbasanit.
