Qytetarë, mbështetës të opozitës, kanë zgjedhur t’a presin me protesta kryeministrin Edi Rama, i cili prezanton kandidatin për kryebashkiak të Përmetit.
Ashtu si një ditë më parë, ku Rama u prit me protesta në Sarandë dhe në Konispol, edhe në Përmet iu rezervua e njëjta pritje.
Simpatizantë të opozitës janë mbledhur me thirrjet “Rama ik”, ndërsa forcat e rendit kanë ngritur kordonët e sigurisë duke mos lejuar afrimin e protestuesve apo incidente.
Në çdo takim që po zhvillon në kuadër të prezantimit të kandidatëve për kryebashkiakë, opozita organizon protesta, të cilat në disa raste kanë krijuar tensione të forta, çka ka detyruar drejtuesit e policisë që krahas eskortës që ka kryeministri, të angazhojnë edhe trupa të FNSH-së.