Dy të djem rinj janë arrestuar nga Policia, pasi kanë abuzuar seksualisht më një 13 vjeçar.
Ngjarja e rendë ka ndodhur në Tiranë, ku mësohet se dy djem pasi kanë abuzuar seksualisht me një 13-vjeçarin, e kanë kërcënuar atë duke i kërkuar para në këmbim.
Gazetarja e “Panorama” konfirmon se Valter Hysja 20 vjeç dhe Fatmir Haxhiu 21-vjeç kanë ftuar në banesën e tyre 13-vjeçarin për të luajtur me lojëra elektronike.
Pasi e kanë marrë në banesë, dy të rinjtë kanë abuzuar seksualisht me minorenin, të cilin e kanë filmuar dhe më pas e kanë shantazhaur se do ia publikonin në rrjetet sociale.
Sipas Policisë dy të rinjve i është bashkuar dhe një 45 vjeçar, i identifikuar si Bledar Matja.
Ata e kanë kërcënuar të miturin dhe i kanë kërkuar një shumë të konsiderueshme parash.
Minoreni sipas Policisë qëndronte tek tezja e tij dhe të tre personat e kanë kërcënuar dhe i kanë marrë çelësat e shtëpisë, të cilën me pas e kanë grabitur.
Tezja e minorenit ka bërë denoncimin në polici, por efektivët kanë vënë re se grabitja ishte kryer pa thyer derën e shtëpisë dhe morën në pyetje familjarët se kush kishte çelës të derës. Gruaja ka treguar se një çelës të shtëpisë e mbante edhe 13 vjeçari.
Pasi është marrë në pyetje në praninë e një psikologeje, fëmija ka treguar të gjithë skenën e rëndë.
Policia ka arrestuar për ngjarjen shtetasit Valter Hysja, 20 vjeç dhe Fatmir Haxhiu, 21 vjeç. Në kërkim është shpallur shtetasi Bledar Matja, 45 vjeç.