E quajti Mamaqi i sulltan Ramës, Ermali i përgjigjet ashpër ish-deputetit Azgan...

E quajti Mamaqi i sulltan Ramës, Ermali i përgjigjet ashpër ish-deputetit Azgan Haklaj: Fjalë që nxisin urrejtje, gënjeshtra

358
0

TIRANË– Ditën e djeshme ish-deputeti Azgan Haklaj ka bërë një shkrim drejtuar aktorit Ermal Mamaqi, duke e etiketuar si cënues të nderit për tropojanët. Pas këtij reagimi kritikues, ka ardhur dhe replika e Ermal Mamaqit, që i cilëson fjalët e ish-deputetit Haklaj si gënjeshtra dhe nxitëse të urrejtjes.

 

“Miq desha tju sqaroj për një lajm dashakeq që ka dalë dje. Sipas këtij lajmi…”Në filmin tim Tropojani respekton mikun me vajzën e shpisë duke e fut në krevat” e të tjera idiotësi si këto… Nuk e kuptoj ça lloj njerëzish janë kta që guxojnë të shpikin kshu lajmesh.

Ju sqaroj se është e kundërta. Nuk do guxoja kurrë ta bëja një gjë të tillë pasi mesazhi që jep filmi është pikërisht i kundërti. Në film Tropojanët dalin ashtu si janë, njerëz të besës të traditës dhe të nderit. Mbrëmë në pallatin e kongreseve ka qënë Premiera më e madhe për një film me rreth 5000 të ftuar dhe filmi është ndjekur nga 2000 Tropojanë duke filluar nga Rexh Biberi(Kryetari i bashkisë Tropojë) dhe deri te Erzen Breçani. Të gjithë më falenderuan dhe më uruan për mesazhin që nxirrte filmi. Ju ftoj të shihni filmini dhe të knaqeni. Ju bëj me dije që I Love Tropoja fillon turin e Evropës në dt 4Shkurt. Dhe turi fillon me qytetin të cilit i dedikuam filmin. Në Tropojë. A ma shpjegon dot njeri që nëse do e kisha bërë filmin për të çnderuar Tropojanët si mund të shkoja ta shfaq këtë film për të gjithë ata? Mos u bëni pre e disa faqeve ose fjalëve që nxisin urrejtje. Ata gënjejnë!!! Ju pres në Pallat të Kongreseve çdi ditë 6 herë në ditë. Ky film do jetë nr 1 në Kinematografinë Shqiptare. Ju dua.Ermali”- shkruan Ermal Mamaqi.