Një tjetër aksident rrugor është shënuar në aksin rrugor Korçë-Pogradec.
Mësohet se një makinë me targa greke është përplasur me një trajler në fshatin Petrushë të Korçës.
Nga informacionet paraprake, raportohet se si pasojë ka ndërruar jetë shoferi i njërit prej automjeteve, emri i të cilit ende nuk bëhet me dije.
Ndërkohë policia ka mbërritur në vendngjarje dhe po punon për zbardhjen e shkaqeve të aksidentit dhe rrethanave të plota të tij.
Kujtojmë se ditën e sotme një tjetër trajler u përplas me një autobus duke lënë viktimë një grua dhe duke plagosur dy të tjera.