DEKLARATA/  “Drejt zgjedhjeve të parakohshme me platformën tonë zgjedhore”, Basha dorëzon draftin...

DEKLARATA/  “Drejt zgjedhjeve të parakohshme me platformën tonë zgjedhore”, Basha dorëzon draftin në dhjetor 

154
0

Kryedemokrati Lulzim Basha ka reaguar në një deklaratë për mediat pas takimit që zhvilloi me presidentin Ilir Meta, ku pjesëmarrës ishin edhe krerët e partive të tjera opozitare.

Basha u shpreh se gjatë takimit kërkuan vënien në funksion sa më të shpejtë të Gjykatës Kushtetuese dhe zgjedhje të parakohshme.

Ndërsa zbuloi se çështja e dytë që diskutuan ishte kriza politike dhe se javën e ardhshme opozita do të dorëzojë draftin e saj.

‘Ne kërkojmë vënien në funksionin sa më të shpejt të Gjykatës Kushtetuese. Çështja e dyrë që kemi diskutuam është çështja e krizës politike. Është shtruar edhe nga partnerët tanë strategjikë, prej më shumë se 4 muajsh Rama ka refuzuar dialogun dhe ndërmjetësimin së paku në 4 raste në një tentativë për të mbuluar krizën ku ndodhet vendi. Shtyrja e reformës zgjedhore është një  tjetër hap për t’i hedhur hi syve të shqiptarëve.Javën e ardhshme opozita do të konkretizojë të gjithë projektin e saj, propozimin e plotë për reformën zgjedhore ndërkohë që nga ana tjetër kemi pasur vetëm kushtëzim, sabotim. Ky është një film, i parë dhe stërparë: qeveria përpiqet t’ia hedhë fajin opozitës.Propozimet do të jenë gati jo më vonë se fillimi i dhjetorit dhe për ne nuk ka asnjë alibi për të vonuar zgjedhjet e parakohshme parlamentare dhe lokale në të njëjtën ditë. Nuk i mungon asnjë Shqipërisë asgjë në krahasim me Maqedonisë e veriut, që u viktimizua për hir të Shqipërisë e megjithatë lideri atje mori përgjegjësitë. Ne do të marrim të gjitha hapat e nevojshme si opozitës’, tha Basha.