Një program i ri dhe mjaft interesant ka startuar në televizion. ‘Uomini e Donne’, versioni shqip, ka rikthyer gjithashtu edhe Olti Currin i cili do të jetë opinionisti i këtij programi. “Çifti i lumtur” ose “Përputhen” quhet rubrika më e re në ‘E Diell’, e cila do të transmëtohet çdo të djelë në ‘Top Channel’.
Në këtë program, dy vajzat Antonela Koçi dhe Ina Kollcaku, do të njihen me djem për t’i pasur ndoshta partnerët e tyre më vonë. Djemtë do të garojnë për t’i fituar zemrën vajzave.
“Dashuria shpërthen në ekranin e televizionit”, shprehet Olti i cili do ta drejtojë këtë rubrikë mjaft interesante për javë me rradhë edhe në bashkëpunim me Ed Manushin dhe Nevina Shtyllën.
