Këngëtari Flori Mumajesi ka postuar në Instagram një video nga dyshja Donald dhe Beatrix teksa putheshin dhe në sfond ishte kënga e tij.
Kjo duket se nuk i ka pëlqyer disa prej ndjekësve të tij, duke e parë në formë përkrahjeje marrëdhënien e krijuar mes dy konkurrentëve të Big Brother Vip.
Një pjesë e tyre kanë reaguar. Një ndër ndjekësit i ka thënë se nga ky moment nuk do e ndjekë më. Flori duket të mos e çan kokën për këtë pjesë duke e falënderuar për këtë “unfolloë” ndjekësit, bisedë të cilën e ka ndarë në Instagram dhe për t’u treguar në një farë mënyrë gjithë të tjerëve që do i çonin të njëjtin mesazh, do të merrnin prej tij të njëjtin reagim.
Kujtojmë se vetëm pak ditë më parë, Flori Mumajesi dhe Anxhelina Hadërgjonaj (kusherira e Beatrix Ramosaj) prej kohësh na kishin paralajmëruar për një bashkëpunim dhe sot pritja mori fund. Dhe artistët kanë sjellë jo një, por dy këngë në një me titull “Anash & Doja”. Ky është bashkëpunimi i tyre i parë dhe rikthen Flori Mumajesi pas ‘Nina’, që u publikua gjatë kësaj vere.