
Borussia Dortmund është një nga klubet që është angazhuar më së shumti për t’iu ardhur në ndihmë autoriteve, në luftën ndaj koronavirus.
Më parë mësuam se lojtarët kishin hequr dorë nga një pjesë e pagave për t’u siguruar të ardhura punëtorëve të klubit, tifozët mblodhën para për të ndihmuar spitalet, ndërsa tani mësojmë se klubi ka vënë stadiumin në dispozicion të autoriteteve shëndetësore, për të shtruar dhe kuruar të prekurit nga virusi vdekjeprurës.