Fushata e nisur në rrjetet sociale për të bojkotuar koncertin në Tiranë të këngëtarit grek Notis Sfakianakis është pasqyruar edhe në mediat greke. Duke iu referuar dy portaleve nacionaliste që shkruajnë greqisht, Himara.gr dhe Epirus.gr, media serioze greke si Elefteros Tipos kanë pasqyruar lajmin për bojkotin e Sfakianakis, i cili njihet si person me bindje fashiste dhe që shpesh ka lëshuar deklarata fyese ndaj shqiptarëve. Notis Sfakianakis i ka quajtur shqiptarët “plehra”, “qen” dhe “racë inferiore”. Ai ka miqësi me ekstremistët e Agimit të Artë dhe shpesh këndon për ta. Ironia është se Sfakianakis, i cili deklaron se i përket “racës superior greke”, është në fakt me origjinë ruso-ponte. Sfakianakis e sjell në Tiranë televizioni Top Channel.
