BBC: Kufiri shqiptaro-grek, rruga më e madhe për kanabisin në Europë

BBC: Kufiri shqiptaro-grek, rruga më e madhe për kanabisin në Europë

158
0

E gjithë kjo duhet të ndryshonte në verën e vitit 2014, kur forcat speciale shqiptare filluan një operacion të madh në fshatin Lazarat, rreth 30 km nga kufiri grek.

Shqipëria lufton me kultivuesit e kanabisit

Pasuan disa ditë beteja. Granata dhe predha, madje qëlluan me arme në drejtim të policisë, por deri në fund u konfiskuan më shumë se 10 tonë marijuanë, mijëra bimë kanabis dhe armë zjarri.

Tani, kanabisi përfitohet nga prodhuesit e fshatrave si dhe nga grupet e krimit të organizuar që e shesin atë në të gjithë Bashkimin Evropian. Për një brez të rinjsh shqiptarë, tregtia e paligjshme ofron një mënyrë për të fituar para.

Historia e një prodhuesi

Artan, 39 vjeç, është një nga prodhuesit e rinj të kanabisit.

Ulur në një lokal në qytetin bregdetar të Vlorës, ai shpjegon se si mund të fitosh një pasuri, të paktën derisa të kapesh.

“Ti mund t’i japësh ryshfet shefit të Policisë ose Agjencisë së Luftimit të Drogës, por nëse dikush të zbulon, atëherë çdo njeri mendon për vete,” thotë ai.

Artani nuk është emri i tij i vërtetë. Ai kaloi dy vjet në Itali, por u kthye për të drejtuar biznesin nga shtëpia e tij.

“Këtë vit gjetëm një pjesë të mirë toke në kullotat afër qytetit të Tepelene, tre orë në këmbë në një mal”, thotë ai.

Ai pretendon të ketë mbjellë 50,000 bimë kanabisi vetëm këtë vit.

“Ekzistojnë tre rregulla themelore, afër ujit, qëndrimi larg policisë dhe syve kureshtarë”, thotë ai për BBC.

Kur kanabisi është gati për shitje, ai zhvendoset në një fshat afër kufirit. Pastaj kontrabandistët e marrin atë “ose në këmbë ose në mushka nëpër territorin grek”.

Kryeministri shqiptar Edi Rama premtoi se nuk do të ndalonte lufta kundër drogës.

Por pak ndryshuan dhe prodhuesit e kanabisit filluan të kërkojnë tregje të reja, jo vetëm Greqin dhe Italin, por Turqin, Gjermanin, Hollandën dhe Britanin e Madhe.

Raporti vjetor i drogës nga departamenti i shtetit amerikan këtë vit përshkroi Shqipërinë si një “bazë për rrjetet transkombëtare të krimit të organizuar të përfshirë në trafikimin e narkotikëve të paligjshëm në të gjithë Evropën dhe më gjerë”.

Shqipëria jo vetëm që duhet të trajtojë krimin e organizuar dhe korrupsionin, por gjithashtu duhet të bindë Bashkimin Evropian se po e bën këtë.

Policia shqiptare ka filluar përdorimin e dronëve për kapjen e kanabisit.