Basha publikon VIDEOMESAZHIN: Rama është artist i mashtrimit

Basha publikon VIDEOMESAZHIN: Rama është artist i mashtrimit

133
0

Kreu i PD, Lulzim Basha ka publikuar sot një tjetër videomesazh, ku i drejtohet me një sërë akuzash kryeministrit Rama.

 

Teksa, i referohet si ‘artist i mashtrimit’, Basha shprehet se shqiptarët janë sot të varfër sepse janë të vjedhur.

 

‘Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës’, shkruan Basha mes të tjerash.

 

Mesazhi i plotë:

 

Shqiptarët janë sot të varfër sepse janë të vjedhur.

 

Varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh.

 

Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjehstë dhe të pambrojtur.

 

Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe lluks, ndërsa shqiptarët nuk sigurojnë dot bukën e përditshme.

 

Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës.

 

Edi Rama është artist i mashtrimit.

 

Çdo gjë që ka premtuar, cdo gjë që ka thënë ka qenë mashtrim me qëllim për të vjedhur. Çdo projekt, program dhe politike është mashtrim për shqiptarët në shërbim të oligarkëve.

 

Që të çlirojmë ekonominë dhe të hapim vende pune e mundësi për çdo shqiptar, duhet të largojmë Hajdutin Psiqik dhe bandën e tij grabitqare.