Alvini lirohet nga kampet siriane, flet babai: Mbrëmë fola në telefon, është...

Alvini lirohet nga kampet siriane, flet babai: Mbrëmë fola në telefon, është mirë. Mezi pret të më takojë

177
0

Menjhëherë pas konfirmimit të lajmit të shumëpritur se Alvin Berisha lirohet nga kampi në Siri, vjen edhe reagimi i babaiit të tij, Afrim Berishës.

Në një prononcim për “News24”, Afrim Berisha ka folur mbi emocionet e para, bisedën dje me Alvinin dhe falenderon të gjithë ata që u angazhuan dhe u mobilizuan që djali i tij të kthehej pranë familjes.

‘Faleminderit kryeministrit dhe Ambasadorit në Romë.

Alvini është shpëtuar nga Kryqi i Kuq Internacional dhe aktualisht ndodhet në Demask. Unë do ta pres në Romë.

Nga kontaktet me Kryqin e Kuq, më thonë se Alvini ka këmbën e plagosur por sipas tyre djali është mirë, megjithatë unë po pres ta shoh me sytë e mi.

Madje më ka marrë mbrëmë në telefon. Vazhdimisht më ka kërkuar dhe ishte i frikësuar sepse nuk i njihte punonjësit e Kryqit të Kuq.

Më tha: ‘Babi jam tu ardh’.

I thashë që mos u mërzit, ata janë shokët e babit , nuk të bëjnë gjë. Nuk kisha çfarë t’i thoja.Mund të vijë nesër, pasnesër, nuk dihet kur vjen, por do të vijë pranë meje.

Motrat e tij mezi po e presin, mezi po e presin edhe gjithë shqiptarët. Kam marrë shumë telefonata.

I falenderoj të gjithë dhe bëj thirrje autoriteteve përkatëse, të merren të gjithë fëmijët e tjerë, ashtu si djali im të shpëtohen të gjithë’, tha Afrim Berisha.