“Alvini do të kthehet”, babai i 11-vjeçarit tjetër lutje shqiptarëve: Edhe kampionët...

“Alvini do të kthehet”, babai i 11-vjeçarit tjetër lutje shqiptarëve: Edhe kampionët më të mëdhenj kanë nevojë për ndihmë

150
0

Babai i Alvin Berishës, 11-vjeçarit që ndodhet në një nga kampet e rrezikshme në Siri dhe që preku zemrat e shumë njerëzve sot ka nevojë për ndihmën e të gjithë shqiptarëve.

 

Me një shënim në “Facebook”, Afrim Berisha duke besuar fort se një ditë djali do t’i kthehet pranë familjes në Itali, iu bën thirrjet atyre që kanë dëshirë të kontribuojnë financiarisht për ta ndihmuar atë. Ai thekson se djali i tij Alvin Berisha pasi të kthehet në Itali do ketë nevojë  për trajtim mjekësor të specializuar.

 

Postimi i babait të Alvin Berishës:

“Edhe kampionët më të mëdhenj, ndonjëherë kanë nevojë për ndihmë!Që kur është transmetuar emisioni për Alvinin, kemi marrë telefonata e mesazhe pa fund që na japin zemër. Disa prej tyre kanë edhe dëshirën që të bëjnë edhe një dhuratë. As nuk e kemi menduar ndonjëherë këtë gjë, e në pesë vitet në të cilin kemi kërkuar kampionin tonë, çdo shpenëzim është përballuar nga familja.

 

Sot situata është ndryshe, sepse sot e dimë në çfarë gjendje shëndetsore ndodhet Alvini. Kur të kthehet në shtëpi – sepse Alvini do kthehet, mbi këtë askush nuk duhet të ketë asnjë dyshim – do ketë nevojë për mjekim të specializuar. Kemi vendosur që, me ndihmën një shoqate të hapim një llogari bankare. Kush dëshiron, mund të bëjë aty një derdhje, dhe e falenderojmë. E kush nuk do a nuk mundet, ne prapë e falenderojmë se na ka thënë një fjalë të mirë e na ka dhënë shpresë.

 

 

Intestazione: 6230518 Manidipace per Alvin

 

Iban: IT76K0521622902000000004577

 

Bic Sëift: BPCV IT 2S 070

 

P.S

 

Për arsye burokratike, hapja e kësaj llogarie bankare mund të bëhej vetëm me ndihmën e një shoqate. Mani di Pace është një shoqatë italiane me bazë në Lecco e cila vepron prej kohësh në ndihmë të fëmijëve, dhe janë treguar shumë të gatshëm për të na ndihmuar. Faleminderit.