Alarmi nga kanceri, rrezikshmëria për fëmijët…

Alarmi nga kanceri, rrezikshmëria për fëmijët…

419
0

Pothuajse gjysma e sëmundjeve tumorale gjatë fëmijërisë nuk diagnostifikohen dhe nuk trajtohen. Në këtë përfundim ka arritur një analizë e fundit e realizuar nga ekspertë të Universitetit të Harvard.Edhe në shtete të zhvilluara si SHBA-ja ku trajtimet janë më të zhvilluara cdo vit vdesin mesatarisht rreth 1800 fëmijë të prekur nga kanceri.Situata është më alarmante në vendet pak të zhvilluara, ku mungojnë programet e monitorimit dhe diagnostifikimit në kohë të patologjive tumorale.Duke u bazuar në kërkimet e kryera në shtete pak dhe mesatarisht të zhvilluara autorët arritën në përfundimin se përgjatë viteve 2013-2030 rastet e kancerit që në fëmijëri arrijnë në 3 milionë raste.Pavarsisht progresit të bërë në luftën kundër kësaj sëmundjeje të përhapur gjerësisht në të gjithë botën, shqetësim mbeten shkaqet që në fëmijëri që cojnë në humbjet e jetës.Studiuesit amerikanë shprehen se ata e dinë se tek të rritur ndër shkaktarët kryesorë është duhani i cili mund të ndryshojë ADN-në dhe të shkaktojë që qelizat të ndahen jashtë kontrollit.Por tek fëmijët sëmundja e kancerit është kryesisht gjenetike, por nuk dihet se përse disa gjene ndahen spontanisht.Kjo do të thotë që indikatorët gjenetik dhe mjedisor të rreziqeve të kancerit ttek fëmijëve nuk gjurmohen ose identifikohen nga mjekët lokalë, të cilët nuk mund të trajnohen ose të kenë përvojë të mjaftueshme .Për më shumë kërkimi shpjegoi se edhe disa viruse mund të shkaktojnë tipe të ndryshme të tumoreve. Por në shumë shtetet shumë prindër nuk arrijnë të kuptojnë shenjat se fëmija i tyre është në të vërtetë i sëmurë.