Kryetari i PD, Lulzim Basha ka zhvilluar sot një mbledhje me aleatët dhe kryesinë për të diskutuar mbi aksionin opozitar.
Indesifikimi i aksionit opozitar tashmë do të shtrihet në të gjitha bashkitë e vendit. Kryesia e PD vendosi që t’i propozojë nesër Këshillit Kombëtar, krijimin e një aleancë qytetare për mbrojtjen e demokracisë në çdo bashki.
Sipas selisë blu kjo Aleancë do të krijohet si bashkim qytetar dhe intelektual, që do të ndërgjegjësojë qytetarët për rrezikun që po i kanoset demokracisë në vend dhe marrjen e të gjitha masave për të mbrojtur rendin demokratik dhe kushtetues.
Po ashtu kryesia ka diskutuar intensifikimin e aksionit në çdo qytet, ku Rama ka takim elektoral apo prezantim kandidatesh.
Në mbledhje Basha ka përsëritur qëndrimin e tij se nuk ka negociata me Edi Ramën.
