Edhe pse jeton në Shtetet e Bashkuara të Amerikës, ku vazhdon karrierën e saj si modele, Afërdita Dreshaj e ka bërë tashmë zakon të shkaktojë zhurmë në botën e showbizit shqiptar me historitë e saj personale.
Kësaj here flitet për një ndryshim të rëndësishëm në jetën private, ndarjen nga i dashuri i saj milioner çek, Jakub Kindl, shkruan “Panorama Plus”.
Kindl, 28vjeçar, ishte dashuria e re e Afërditës që nisi pas ndarjes nga këngëtari Shpat Kasapi. Edhe pse në intervistat e saj të para në Tiranë nuk e përmendi emrin e tij, të gjitha mediat e kishin zbuluar tashmë historinë e saj me milionerin çek, një hokeist i njohur. Nuk u desh shumë kohë dhe ajo e prezantoi me mamanë e saj, në një restorant luksoz në Shtetet e Bashkuara të Amerikës. Dhurata e tij e parë shumë speciale dhe e shtrenjtë që i bëri Afërditës ishte për 28vjetor, një makinë e bardhë, tip “Porsche”, për t’u pasuar me pushime të shtrenjta në të gjithë botën.
Ajo e nisi këtë lidhje pas thashethemeve se ishte fotografuar me Leonardo di Caprion, ndërkohë që ishte në lidhje me Kasapin. Por ky nuk ishte i vetmi “scoop” rozë nga Dreshaj. Ajo u përfol për një krizë me Kindl vitin e kaluar, pas një afere dashurie mes saj dhe një burri të martuar, Agon Amigës së “Babastars”. Mediat kosovare shkruan për histori flirti, dhe që çoi në prishjen e martesës së Agonit me Egzona Sylën. Ishte vetë reperi ai që deklaroi se Afërdita e kishte provokuar gjatë dhe pas përfundimit të klipit “topless”, me qëllimin për t’i shkatërruar martesën, dhe ia kishte dalë.
Sipas burimeve pranë Afërditës, kjo ndodhi nuk është anashkaluar nga i dashuri aktual, duke kërkuar që të mos jenë më bashkë.
