Moti do të jetë i kthjellët në të gjithë territorin përjashtuar vranësirat e pakta kalimtare në relievet e larta malore, bën të ditur Shërbimi Meteorologjik Ushtarak.
Temperaturat në vlerat e mëngjesit parashikohen nga 14°C në relievet malore deri në 20°C në ato bregdetare dhe të ulta.
Në vlerat e mesditës parashikohet një rritje e lehtë me vlera nga 27°C në relievet malore deri në 34°C në ato të ulta.
Era do të fryjë me drejtim nga kuadrati i veriut dhe shpejtësi mesatare 3-8m/s ndërsa përgjatë vijës bregdetare, zonat e ulta pranë tyre dhe zonat luginore hera-herës fiton intensitet deri në 20-25m/s.
