Në ditën e pestë të bllokimit të rrugës Librazhd-Prrenjas, banorët e fshatit Spathar në Librazhd kanë vendosur vetë sinjalistikë orientuese dhe paralajmëruese. Sinjalistikat me emrin e destinacioneve janë vendosur në segmentin rural Spathar-Rruga Antike Egnatia-Dardhë-Hotolisht, i cili po përdoret si rrugë alternative pas bllokimit të aksit kombëtar Librazhd-Prrenjas. Ndërkohë, kujtojmë që shembja në aksin Librazhd-Prrenjas ka sjellë vështirësi të mëdha për banorët, të cilët janë të detyruar të përdorin rrugën alternative, gati të rrezikshme.
