Ndarja e Travis Scott nga partnerja e tij, Kylie Jenner ka shkaktuar shumë zhurmë në rrjet. Spekulimet rreth kësaj ndarje kanë qenë të ndryshme, duke ia vendosur shpeshherë fajin miliarderes apo reperit. Fillimisht mediat hamendësuan se arsyeja e ndarjes ishte rikthimi i miliarderes me ish të dashurin, Tyga. Më pas u raportua se Travis e tradhtoi Kylien, por reperi hodhi poshtë thashethemet.
“Me të vërtetë që prekesh kur shikon gënjeshtra që thuhen për ty. Edhe njëherë historitë e rreme që unë kam tradhtuar janë thjesht gënjeshtra. Jam i përqendruar në jetën, muzikën dhe familjen time në këtë moment, kjo është e vërteta,”-tha ai.
Miliarderja dhe reperi janë prindër të një vajze 22 muajshe.
