E kush tha që provimi i patentës është i lehtë? Një 22-vjeçare pasi ngeli disa herë në provimin teorik të patentës, vendosi që të rrezikonte herën e fundit dhe jo vetëm që nuk e mori, por përfundoi në polici.
Inspektorët e patentës e vunë re që vajza po kopjonte dhe për këtë arsye vendosën që ta zhvishnin. Në momentin që ajo hoqi bluzën, inspektorët vunë re që vajza kishte të fshehur në reçipeta pajisje që do ta ndihmonin të kopjonte.
Ajo u pezullua nga provimi si dhe u dërgua menjëherë në polici ku mori edhe një gjobë. Sipas Daily Mail, policia e ka bërë publik rastin e kësaj vajze për të paralajmëruar se do të ndëshkohet çdokush që kapet duke kopjuar.
