Kryeministri Edi Rama mblodhi paraditen e sotme në kryeministri të gjithë drejtorët aktualë në AKU për t’i paralajmëruar për fshesën që do të ndërmerret në këtë institucion kthyer në vatër korrupsioni e gjobëvënieje
Edi Rama: “AKU një problem kombëtar. Një institucion që vë gjoba, i nxin jetën sipërmarrjes, terrorizon dyqane e tregtarë të vegjël dhe që në fund fare nuk përmbush misionin e vet. AKU nuk do të shkelë më nëpër doganat e Shqipërisë. Është tërësisht e panevojshme. Kjo histori do të marrë fund.”
‘Drejtorët e AKU që u emëruan politikisht të ikin vetë. AKU është një vatër e mbushur me korrupsion. Vatër ku gjobvënia për qëllime korruptive është standard. Ju e dini shumë mirë për çfarë po flas. Mes jush ka protagonistë të këtij korrupsioni.”
Drejtori i ri 100 dite ne prove
Rama prezantoi Agim Ismailin si drejtori i ri që do të vihet në krye të këtij institucini dhe që edhe ai do të jetë në provë për 100 ditët
Edhe drejtuesi i AKU është “në provë në këto 100 ditë” tha Rama duke shtuar “kam besim se do të ndryshojë thellësisht drejtimin dhe sjelljen e këtij institucioni”
Agim Ismaili zëvendëson në këtë detyrë Dritan Sejkon.
