McCain me strategji për Afganistanin

McCain me strategji për Afganistanin

373
0

Senatori i Shteteve të Bashkuara, John McCain, ka thënë se ai do të propozojë një plan për ushtrinë amerikane në Afganistan, si një amendament për projektligjin rreth autorizimit të mbrojtjes, më vonë gjatë këtij viti. Republikani, McCain, ka thënë se gjashtë muaj pasi presidenti, Donald Trump e mori detyrën, “ende nuk ka ndonjë strategji për të arritur sukses në Afganistan”. “Kur Senati ta pranojë në shtator, Aktin e Autorizimit të Mbrojtjes Kombëtare, unë do të propozojë një amendament, të bazuar në këshillat e disa prej liderëve më të mirë ushtarakë, për të arritur sukses, në mënyrë që të ruajmë interesat e SHBA-së në Afganistan”, ka thënë ai. McCain, i cili është diagnostikuar me kancer në tru gjatë muajit korrik, e ka kritikuar edhe strategjinë e presidentit të mëparshëm, Barack Obama, duke thënë se një gjë e tillë, “i ka kushtuar me jetë dhe pasuri”, SHBA-së, në vendin e shkatërruar nga lufta.