Një keqkuptim i zakonshëm në lidhje me vallëzimin ‘hula’ ka rrjedhur përgjatë viteve, se ajo është traditë valleje e cila ka qenë në mënyrë rigoroze vetëm për gra. Mirëpo, e vërteta është ndryshe. Në Hawai, burrat ishin të parët që kërcenin hula, madje kërcimtarët më të mirë zgjidheshin për t’u bërë luftëtarë. Sot, ‘Ke kai O Kahiki’, një nga shkollat më të famshme të hulas në Havai, po e mban këtë traditë duke treguar mënyra të luftës në valle. Kërcimtarët trajnohen në të njejtën mënyrë si liderët e tyre të lshtë, duke përdorur vet tokën si palestër të ashpër dhe të pafalshme.
